【點解會有狗公呢樣產物？】
上次就鬧左一啲自以為是既港女，今次當然就梗係講返啲男人啦(要知道我個page唔係淨係話女人)！而我想講既就係喺男人裡面有一種特 別 衰 格，呢種就係喺邊都會見到佢地既.....狗公。狗公既出現唔單止影響到其他男人冇得食女，仲要害到好多無辜少女中招，以後唔再信任愛情。點解狗公既威力會咁大？
狗公既招數好強，佢地成日都講到自己幾恨拍拖，你可能覺得佢地只係一個毒男？太天真了。就算樣唔係靚仔，身材唔算大隻唔緊要，最重要係佢地有塊厚面皮，同埋次次通用既爛屎flirt招。好多姊妹就係比呢啲狗公呃倒，諗住佢冇乜朋友，又淨係中意喺屋企打機，所以自投羅網....其實佢地對住每個「女神」都會伸曬脷，表面上好似做兵既毒男咁，實際上佢地既對象並唔止一個！
每日都會同唔同既目標人物傾偈，用極嘔心既說話黎擦「女神」鞋，隔離既朋友會覺得佢地漁翁撒網好狗，而佢地不知幾自豪，因為年中都唔知幾多次因為呢招食到女呀。不過一隻手掌拍唔響既～有好多時啲女明知佢係狗公，仍然唔介意中個頭埋去，所以狗公咪可以長存喺世上囉。唉，不過難為啲純情少女第一次拍拖唔識分，就咁比人拎走左隻豬呀。
或者錯誤既愛情觀促使佢地變成咁，因為唔想比「拍拖」呢樣野困住，但又享受性或者曖昧既快感就會做一條死厹。加上佢地覺得周圍食女就唔使負責任，所以Flirt得一個得一個，食完抺一抺個咀就狠心放棄啲女仔，最後就專搞有男朋友既女仔，係男人同女人既公敵！！
Search